368.45
Հայաստանը կընդունի 2015 թվականի շախմատի աշխարհի թիմային առաջնությունը
1 րոպեի ընթերցում
ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: 2015 թվականի Շախմատի աշխարհի թիմային առաջնությունը, ըստ ամենայնի, կանցկացվի Հայաստանում: «Արմենպրես»-ի փոխանցմամբ, այս մասին սեպտեմբերի 12-ին տեղի ունեցած ասուլիսի ժամանակ ասաց Հայաստանի շախմատի ֆեդերացիայի գլխավոր քարտուղար Գագիկ Հովհաննիսյանը:
Հովհաննիսյանը հիշեցրեց, որ 2014 թվականին Երեւանում կանցկացվի նաեւ Եվրոպայի շախմատի անհատական առաջնությունը, որը նվիրված է լեգենդար շախմատիստ, շախմատի աշխարհի չեմպիոն Տիգրան Պետրոսյանի ծննդյան 85-ամյակին:
Հայաստանի տղամարդկանց շախմատի հավաքականն աշխարհի թիմային առաջնության գործող չեմպիոնն Է. այս կոչումը մեր հավաքականը նվաճել է 2011 թվականին Չինաստանի Նինբո քաղաքում կայացած առաջնությանը: Շախմատի աշխարհի թիմային հաջորդ առաջնությունը տեղի կունենա 2013 թվականին Թուրքիայում:
Բաժանորդագրվեք մեր ալիքին Telegram-ում