1 րոպեի ընթերցում
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Հայաստանի տղամարդկանց շախմատի ազգային հավաքականի մարզիչ, գրոսմայստեր Արշակ Պետրոսյանը փոփոխություն Է կատարել իր թիմի կազմում Ստամբուլում ընթացող շախմատի 40-րդ համաշխարհային օլիմպիադայի Հայաստան-Բանգլադեշ 2-րդ փուլի մրցամարտին:
«Արմենպրես»-ի տեղեկացմամբ` շախմատի օլիմպիական այս խաղերի շրջանակներում առաջին անգամ խաղատախտակի մոտ նստել Է մեր թիմի առաջատարը՝ Լեւոն Արոնյանը, իսկ այս փուլի մրցամարտին չի մասնակցում գրոսմայստեր Սերգեյ Մովսիսյանը, որը նախորդ փուլում՝ Բոլիվիայի թիմի հետ մրցամարտում, պարտություն Էր կրել:
Արոնյանի մրցակիցն Է Ռահման Զիաուրը, գրոսմայստեր Վլադիմիր Հակոբյանը խաղում Է Աբդուլ ալ-Ռահիբի, գրոսմայստեր Գաբրիել Սարգսյանը՝ Էմանուլ Հոսեյնի, իսկ Տիգրան Պետրոսյանը՝ Նիյազ Մուրշեդի հետ:
Հայաստանի կանանց շախմատի հավաքականի կազմում փոփոխություն չի կատարվել: Հայաստան-Շվեյցարիա մրցամարտում գրոսմայստեր Էլինա Դանիելյանը խաղում Է Բարբարա Հունդի հետ, գրոսմայստեր Լիլիթ Մկրտչյանը՝ Մոնիկա Սեփսի, գրոսմայստեր Մարիա Կուրսովան՝ Կամիլա դե Սեռույի , իսկ միջազգային վարպետ Աննա Հայրապետյանը՝ Լաուրա Շթոերի հետ: