1 րոպեի ընթերցում
ԵՐԵՎԱՆ, 10 ՕԳՈՍՏՈՍ, ԱՐՄԵՆՊՐԵՍ: Իրանական «Սանաթ Նավթի»-ի նախկին ֆուտբոլիստ Լեւոն Պաչաջյանը մոտ է նոր ակումբի հետ պայմանագրի կնքմանը: Ինչպես «Արմենպրես»-ի հետ զրույցում մեկնաբանեց ֆուտբոլիստը, հստակ ինչ որ բան ասել առայժմ չի կարող, սակայն նրա ուշադրության կենտրոնում մի քանի ակումբեր կան:
«Կարծում եմ` հաջորդ շաբաթ ամեն ինչ պարզ կդառնա: Կան ակումբներ, որոնք հետաքրքված են իմ խաղով, սակայն նախապես ոչինչ չեմ ուզում ասել, մինչեւ պայմանագիրը չստորագրեմ»,- ասաց Պաչաջյանը:
Կիսապաշտպանը Իրանի առաջնության «Սանաթ Նավթի»-ում հանդես էր գալիս 2009 թվականից, սակայն այս խաղաշրջանի մեկնարկին չէր միացել թիմին: