1 րոպեի ընթերցում
ԵՐԵՎԱՆ, 8 ՕԳՈՍՏՈՍ, ԱՐՄԵՆՊՐԵՍ: Հալեպի միջազգային օդանավակայանի տնօրենն անձամբ է հերքել տեղեկությունն այն մասին, թե իբր ինքը փախուստի է դիմել երկրից: Ինչպես հաղորդում է «Արմենպրես»-ը` վկայակոչելով սիրիական լրատվամիջոցները, սիրիական հեռուստատեսությամբ նա հավաստիացրել է, որ իր աշխատավայրից չի բացակայել եւ այժմ գտնվում է աշխատանքի վայրում` հսկելով օդանավակայանի աշխատանքները:
Արաբական եւ արտասահմանյան որոշ լրատավամիջոցներ չեն դադարում կեղծ տեղեկություններ տարածել Սիրիայում տեղի ունեցող իրադարձությունների մասին:
Առավոտյան տեղեկություններ էին տարածվել, թե ռուս գեներալ է սպանվել, նրա հետ միասին նաեւ սպանվել է թարգմանիչը:
Ավելի վաղ լրատվամիջոցները կեղծ տեղեկություններ էին տարածել Սիրիայի Ֆինանսների եւ մի քանի այլ նախարարների վերաբերյալ:
Ապատեղեկատվություն էր տարածվել նաեւ Ասադի սպանության եւ նրա առողջական խնդիրների, նրա եւ ընտանիքի` երկրից բացակայելու վերաբերյալ: Արդյունքում, իհարկե, բոլոր այս տեղեկությունները, հերքվել են: