Հալեպում վերականգնվել է ինտերնետ-կապը, հայաշատ վայրերում համեմատաբար հանգիստ է
1 րոպեի ընթերցում
ԵՐԵՎԱՆ, 3 ՕԳՈՍՏՈՍ, ԱՐՄԵՆՊՐԵՍ: Հալեպի մուսուլմանական թաղամասերում բախումները շարունակվում են, եւ Սիրիայի հատուկ ծառայության աշխատակիցներն այսօր Հալեպ տանող գլխավոր ճանապարհին մեծ վնաս են հասցրել ընդդիմադիրներին, կան զոհեր եւ վիրավորներ:
Ինչպես հաղորդում է «Արմենպրես»-ը` վկայակոչելով սիրիական ՍԱՆԱ գործակալությունը, բախումները տեղի են ուեցել Հալեպի ալ Խաֆսա շրջանում` ոչնչացնելով նրանց մեքենաները, ապա սպանելով եւ վիրավորելով ընդդիմադիրներին:
Կառավարական ուժերը հետապնդել են նրանց նաեւ Մասկանեհի շրջանում նույնպես մեծ վնասներ հասցնելով ընդդիմադիրներին:
ՍԱՆԱ-ի լրագրողները տեղեկացրել են, որ ձերբակալվել են մեծ թվով ընդդիմադիրներ:
Տեղեկություններ են ստացվել, որ բախումներ են տեղի ունեցել Հոմսի շրջանում, Դամասկոսի արվարձաններում: Համաձայն ստացված տեղեկությունների` Հոմսում 60 ընդդիմադիր է զոհվել:
Հալեպահայերի ֆեյսբուքյան էջից «Արմենպրես»-ը տեղեկացել է, որ Հալեպում արդեն վերականգնվել է ինտերնետ կապը: Ինչ վերաբերվում է քրիստոնեական եւ հայկական թաղամասերին, ապա իրավիճակը հանգիստ է եղել: