1 րոպեի ընթերցում
ԵՐԵՎԱՆ, 2 ՕԳՈՍՏՈՍ, ԱՐՄԵՆՊՐԵՍ: Ռուսաստանը օգոստոսի 2-ին հայտարարել է, որ չի աջակցելու ՄԱԿ-ի Անվտանգության խորհրդում Սաուդյան Արաբիայի կողմից Սիրիայի դեմ ներկայացված նախագիծը:
Ինչպես հաղորդում է «Արմենպրես»-ը` վկայակոչելով արաբական լրատվամիջոցները, ռուսական կողմն այս նախագիծը որակել է որպես անհավասարակշիռ, «որը չի կարող օգնել Սիրիային բռնությունները դադարեցելու հարցում»:
Պաշտոնական Մոսկվան գտնում է, որ Սիրիայի դեմ ներկայացված նախագիծնիր այդ տեսքով չի կարող նպաստել այդ երկրի կայունացմանը, ինչի պատճառով էլ հրաժարվում է աջակցել:
Ռուսաստանի Արտաքին գործերի նախարարությունն իր հայտարարության մեջ ուշադրություն է հրավիրել այն հանգամանքի վրա, որ համաձայն ներկայացված նախագծի` երկրում կատարվող իրադարձությունների պատասխանատուները միայն Սիրիայի իշխանություններն են, եւ որեւէ մեղադրանք կամ պահանջ չկա ընդդիմության հանդեպ: