1 րոպեի ընթերցում
ԵՐԵՎԱՆ, 2 ՕԳՈՍՏՈՍ, ԱՐՄԵՆՊՐԵՍ: Վերջին երկու օրերի ընթացքում Սիրիայում կառավարական ուժերի եւ զինված ընդդիմադիրների բախումների արդյունքում զոհվել է ավելի քան 140 մարդ:
Ինչպես հաղորդում է «Արմենպրես»-ը` վկայակոչելով արաբական լրատվամիջոցները, Դամասկոսի արվարձաններում զոհվել է 58 մարդ, հարյուրավոր մարդիկ վիրավորվել են:
Ինչ վերաբերվում է Հալեպին, ապա մի քանի թաղամասերում շարունակվող պայքարի հետեւանքով այստեղ եւս մեծ թվով զոհեր եւ վիրավորներ են գրանցվել: Տեղեկությունների համաձայն` 7 ոստիկան եւ 17 զինծառայող գերեվարվել է այսպես կոչված Սիրիայի ազատ բանակի կողմից:
Ավելի վաղ տեղեկություններ էին ստացվել, որ ընդդիմադիրները մեծ կորուստներ են կրել Հալեպի գյուղերում եւ Հոմսում տեղի ունեցած բախումների արդյունքում: Կոնկրետ թիվ, սակայն, ընդդիմադիրների զոհերի վերաբերյալ, առայժմ չի նշվում: