1 րոպեի ընթերցում
ԵՐԵՎԱՆ, 1 ՕԳՈՍՏՈՍ, ԱՐՄԵՆՊՐԵՍ: Բախումները կառավարական ուժերի եւ ընդդիմադիրների միջեւ հասել են Դամասկոսի քրիստոներական թաղամասեր:Ինչպես հաղորդում է«Արմենպրես»-ը` վկայակոչելով արաբական լրատվամիջոցները,անանուն աղբյուրը հայտնել է, որՀին Դամասկոս շրջանի Բաբ Թումա եւ Բաբ Շարկղի թաղամասերում օգոստոսի 1-ի վաղ առավոտյան բախումներ են սկսվել:Նա պարզաբանել է, որ բախումները նշված տարածքներում առաջին անգամ են տեղի ունենում: Դրանք կենտրոնացել են Բաբ Շարկղի մոտակայքում եւ շարունակվել են մոտ կես ժամ: Տեղեկություններ կան, որ բախումների արդյունքում մեկ զինծառայող է զոհվել:
Դամասկոսի հայազգի բնակիչներն «Արմենպրես»-ին տեղեկացրին, որ հայկական համայնքում լարվածությունը շարունակվում է. հայերը վախենում են դուրս գալ բնակարաններից` թեեւ վերջին բախումների հետեւանքով համայնքը զոհեր չի տվել:
Բախումները շարունակվում են Հալեպի տարածքում. արդյունքում ահաբեկիչները զգալի կորուստներ են կրել: Իսկ ընդդիմադիրները հայտարարել են, որ մի քանի օրվա ընթացքում վերահսկողություն են հաստատելու Հալեպում եւ սիրիական այլ մեծ քաղաքներում: