367.79
Արամ Ա-ն շնորհավորական նամակ է հղել Բակո Սահակյանին
1 րոպեի ընթերցում
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Մեծի Տանն Կիլիկիո կաթողիկոս Արամ Ա-ն շնորհավորական նամակ է հղել Լեռնային Ղարաբաղի Հանրապետության նախագահ Բակո Սահակյանին` վերընտրվելու կապակցությամբ: Ինչպես «Արմենպրես»-ին տեղեկացրեցին կաթողիկոսարանի տեղեկատվական համակարգից, նամակում մասնավորապես ասված է, որ անցնող շրջանում Բակո Սահակյանը բարձր նվիրումով ու նախանձախնդրությամբ ծառայել է Լեռնային Ղարաբաղի Հանրապետության հզորացման, մեր ժողովուրդի տնտեսական կյանքի բարելավմանը, Արցախի քաջարի բանակի առավել կազմակերպման, ինչպես նաեւ Արցախի ժողովուրդի ինքնորոշման իրավունքի պաշտպանությանը:
Մեծի Տանն Կիլիկիո Կաթողիկոսությունը Արցախի ազատագրական պայքարի առաջին իսկ օրերից միշտ իր զորակցումը գործնապես հայտնել է Արցախի ժողովրդին: «Վստահեցնում ենք, որ նոր թափով մեր Սուրբ Աթոռը եւ Մենք անձնապես պիտի շարունակենք թիկունք կանգնել Ձեր բոլոր աշխատանքներին ու նախաձեռնություններին, որոնց նպատակը Լեռնային Ղարաբաղի Հանրապետութեան հզորացումն է ու ծաղկումը»,-ասված է նամակում:
Բաժանորդագրվեք մեր ալիքին Telegram-ում