1 րոպեի ընթերցում
ԵՐԵՎԱՆ, 14 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Ռուսաստանի ազգային հավաքականի նոր մարզիչը Ֆաբիո Կապելլոն է:«Արմենպրես»-ի փոխանցմամբ, այս լուրը հաստատել է ֆուտբոլի Ռուսաստանի ազգային ընտրանու ավագ Անդրեյ Արշավինը: Օրեր առաջ Ռուսաստանի ֆուտբոլային միության փոխնախագահ Նիկիտա Սիմոնյանը հայտարարել էր, որ նրանք շատ մոտ են Կապելոյի հետ պայմանագրի կնքմանը:
«Ռուսաստանի հավաքականի գլխավոր մարզչի անունը հայտնի է`Ֆաբիո Կապելո: Մաղթում ենք նրան հաջողություն»,-ասել է Արշավինը:
Իտալացի մասնագետը մինչ այս գլխավորում էր Անգլիայի ազգային հավաքականը: Նա, սակայն, «Եվրո-2012»-ի մեկնարկից առաջ հեռացավ պաշտոնից` տարաձայնություններ ունենալով Անգլիայի ֆուտբոլի ֆեդերացիայի հետ: