1 րոպեի ընթերցում
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ: Ֆուտբոլի եվրոպական միության նախագահ Միշել Պլատինին հպարտանում «Եվրո-2012»-ով:Ինչպես փոխանցում է «Արմենպրես»-ը, վկայակոչելով ՈՒԵՖԱ-ի պաշտոնական կայքը, Պլատինին անմոռանալի էր համարել Եվրոպայի 14-րդ առաջնության եզրափակիչ խաղը, որտեղ յուրօրինակ խաղ են ցուցադրել Եվրոպայի եռակի չեմպիոնները:
«Եվրոպական ֆուտբոլը կարող է հպարտանալ իր հեղինակությամբ, բարձր հնարավորություններով և հրաշալի մարզադաշտերով: Մասնավորապես` օրինակելի կարելի է համարել Իռլանդիայի հավաքականի երկրպագուների արարքը՝ նրանք թիմի հետ էին նույնիսկ պարտության ժամանակ»,- ասել է ֆրանսիացին:
«Եվրո-2012»-ը կայացավ հունիսի 9-ից մինչեւ հուլիսի 1-ը: Կիեւում կայացած եզրափակչում միմյանց հետ ուժերը չափեցին Իսպանիայի եւ Իտալիայի հավաքականները: Իսպանացիներին հաջողվեց պատմություն կերտել` երկրորդ տարին անընդմեջ հռչակվելով Եվրոպայի չեմպիոն: