Վրացական ֆուտբոլը որբացել է. վախճանվել Է Ռամազ Շենգելիան

ԵՐԵՎԱՆ, 21 ՀՈՒՆԻՍԻ,ԱՐՄԵՆՊՐԵՍ: 55 տարեկան հասակում հունիսի 21-ին վախճանվել է լեգենդար վրացի ֆուտբոլիստ, Թբիլիսիի «Դինամո»-ի եւ նախկին ԽՍՀՄ-ի հարձակվող Ռամազ Շենգելիան: Այս մասին «Արմենպրես»-ին տեղեկացրել են Թբիլիսիից: Շենգելիան վախճանվել Է սրտի կաթվածից:ԽՍՀՄ չեմպիոն եւ գավաթակիր, Եվրոպայի գավաթակիրների գավաթի գավաթակիր, 1979 եւ 1981 թվականների ԽՍՀՄ-ի լավագույն ֆուտբոլիստ, սպորտի վաստակավոր վարպետ Ռամազ Շենգելիան Թբիլիսիի «Դինամո»- ի լավագույն ֆուտբոլիստներից Էր: Շենգելիայի վառ խաղը լավ են հիշում նաեւ Հայաստանի ֆուտբոլասերները: Մեկնաբանելով այս լուրը` Վրաստանի ֆուտբոլի ֆեդերացիան նշել Է,որ «վրացական ֆուտբոլը որբացել» Է: