1 րոպեի ընթերցում
ԵՐԵՎԱՆ, 20 ՀՈՒՆԻՍԻ,ԱՐՄԵՆՊՐԵՍ: Ֆուտբոլի միջազգային ֆեդերացիայի՝ ՖԻՖԱ-ի կարգապահական կոմիտեն պայմանագրային խաղերի մասնակցելու համար հաստատել Է Հարավային Կորեայի եւ Խորվաթիայի 13 ֆուտբոլիստների որակազրկումը:
Ինչպես «Արմենպրես»-ին տեղեկացրին մարզական լրագրողների միջազգային ասոցիացիայից, պատիժը հետեւել Է այս երկրների ֆուտբոլի ազգային ֆեդերացիաների կողմից անցկացված հետաքննություններից հետո:
Կորեայի Կ-լիգայի եւ գավաթի լիգայի եւ Խորվաթիայի ֆուտբոլի առաջնության ընթացքում պայմանագրային խաղերին մասնակցելու համար այս ֆուտբոլիստները պատժվել են, իսկ ՖԻՖԱ-ն հաստատել Է նրանց որակազրկումը:
ՖԻՖԱ-ի անվտանգության ծառայության ղեկավար Ռալֆ Մուտշկեն հայտարարել Է, որ ֆուտբոլի բարձրագույն մարմինը միշտ պայքարելու Է պայմանագրային խաղերի դեմ:
Այս տարվա փետրվարին նման պատժի են ենթարկվել Թուրքիայի եւ Ֆինլանդիայի 45 ֆուտբոլիստներ: