2 րոպեի ընթերցում
ԵՐԵՎԱՆ, ՀՈՒՆԻՍԻ, ԱՐՄԵՆՊՐԵՍ: Ֆուտբոլի Եվրոպայի առաջնության վերջին շրջանի C խմբում Իսպանիայի եւ Խորվաթիայի ընտրանինները հնարավոր էհետագա պայքարիցդուրս թողնեն Իտալիայի թիմին:«Արմենպրես»-ի փոխանցմամբ, C խմբում ամեն ինչ ավելի խրթին եւ խառն է: Հաջորդ փուլի ուղեգիր նվաճելու համար կպայքարեն երեք թիմերը` Իսպանիա, Իտալիա, Խորվաթիա:
Խմբի ֆավորիտներից Եվրոպայի գործող չեմպիոնները եւ խորվաթները, եթե անգամ հանդիպումը ավարտեն 2-2 հաշվով, ապա երկուստեք կնվաճեն «փլեյ օֆ»-ի ուղեգիր: Սակայն, եւ իսպանացիների, եւ խորվաթների խոսքով, իրենք տրամադրված են միայն հաղթանակի:
«Եթե խոսենք իսպանացիների մասին, ապա նրանք անցկացրած երկու խաղերում ցույց տվեցին երկու տարբեր «դեմքեր»: Մենք գիտենք, որ հեշտ չի լինելու, չէ որ նրանք Եվրոպայի եւ աշխարհի լավագույն թիմերից են: Մենք մեր լավագույն խաղերն անցկացնում ենք հենց ուժեղ մրցակիցների հետ»,-ասել է խորվաթների գլխավոր մարզիչ Սլավեն Բիլիչը:
«Մենք ուժեղ թիմ ունենք, բայց ֆուտբոլում հաճախակի են անակնկալներ լինում: Ամեն դեպքում ես կարծում էի, որ ¼ եզրափակիչների ուղեգրեր կնվաճեին Ռուսաստանի եւ Լեհաստանի ընտրանիները, սակայն նրանցից ոչ մեկ չշարունակեց պայքարը»,- ասել է իսպանացիների գլխավոր մասնագետ Վիսենտե Դել Բոսկեն:
Վիճակագրությունը ցույց է տալիս, որ սա առաջին պաշտոնական հանդիպումն է երկու թիմերի միջեւ:Խորվաթները չեն պարտվել մինչ այս անցկացրած վեց խաղերում, իսկ Իսպանիայի հավաքականը` 8 խաղերում: