2 րոպեի ընթերցում
ԵՐԵՎԱՆ,13 ՄԱՐՏԻ, ԱՐՄԵՆՊՐԵՍ: Tեղի ունեցավ ՀՖՖ գործկոմի հերթական նիստը` ՀՖՖ նախագահ Ռուբեն Հայրապետյանի նախագահությամբ:
Ինչպես «Արմենպրես»-ին տեղեկացրին ֆեդերացիայի մամուլի քարտուղարկությունից նիստի աշխատանքներին մասնակցեցին ՀՖՖ Գործկոմի անդամները` ՀՖՖ նախագահ Ռուբեն Հայրապետյանի ղեկավարությամբ: Օրակարգում ընդգրկված հարցերի թվում էինՀՖՖ ակումբների միջև 2012-2013թթ. պրոֆեսիոնալ ֆուտբոլի մրցումների անցկացման կանոնակարգի քննարկմանեւհաստատման,ՀՖՖ «Ֆուտբոլիստների կարգավիճակի եւ տեղափոխության» (ՖԿՏ) կանոնակարգում փոփոխություններ և լրացումներ կատարելու, ՀՖՖ Իրավաբանական Անձանց Միությանկազմում անդամագրվելու վերաբերյալ «Կինգ դելյուքս» ՖԱ ՀԿ և «Ալաշկերտ» ՖԱ ՀԿ դիմումների քննարկման հարցերը, ինչպես նաեւ ՀՖՖ հերթական ընդհանուր ժողովի անցկացման վայրի և ժամկետի որոշման հարցը:
Օրակարգայինհարցերի քննարկման արդյունքումՀՖՖ գործադիր մարմինը հաստատեց ՀՖՖ ակումբների միջև 2012-2013թթ. պրոֆեսիոնալ ֆուտբոլի մրցումների անցկացման կանոնակարգը լրացումներով և փոփոխություններով:Հաստատվեցին նաեւՀՖՖ ՖԿՏ Կանոնակարգում առաջարկվող լրացումներն ու փոփոխություները:Որոշում կայացվեցնաեւբավարարել «Կինգ դելյուքս» ՖԱ ՀԿ և «Ալաշկերտ» ՖԱ ՀԿ դիմումները ՀՖՖ ԻԱՄ-ի կազմում անդամակցելու վերաբերյալ և ներկայացնել ընդհանուր ժողովի հաստատմանը:
Օրակարգային վերջին հարցի վերաբերյալ ՀՖՖ Գործկոմը` առաջնորդվելով մարզերում ֆուտբոլային մթնոլորտի ապահովման, ֆուտբոլային ենթակառուցվածքների զարգացման իր առաջնահերթ քաղաքականությամբ, բավարարեց ՀՖՖ նախագահ Ռուբեն Հայրապետյանի առաջարկը` ՀՖՖհերթական ընդհանուր ժողովն անցկացնելԳյումրիում ապրիլի 29-ին, Հայաստանի Գավաթի եզրափակիչ հանդիպման օրը, որը, ինչպես արդեն տեղեկացվել է, տեղի է ունենալու նույն օրը Գյումրիում վերաբացվող քաղաքային մարզադաշտում: