367.79
Արամ Աթեշյանը թուրք պատգամավորներին ներկայացրել է սահմանադրության հետ կապված հայկական պահանջները
1 րոպեի ընթերցում
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Պոլսո Հայոց պատրիարքի փոխանորդ Արամ Աթեշյանը Թուրիքիայի Մեջլիսին ներկայացրել է թուրքական սահմանադրության հետ կապված հայկական պահանջները և ոչ մուսուլմանների սպասումները: Այս մասին հաղորդում է «Արմենպրես»-ը` վկայակոչելով թուրքական «Հուրիեթ» թերթը:
Աթեշյանը, իր նախագծերը ներկայացնելով Սահմանադրական հանձնաժողովին, հույս է հայտնել, որ երկրի մայր օրենքն իրականում էլ մոր նման կլինի` ջերմ, կարեկցող և բարեխիղճ: «Ուզում ենք մի մայր տեսնել, որը իր զավակների միջև խտրականություն չի դնի, նույն կերպ կվերաբերվի»,- ասել է պատրիարքի փոխանորդը:
Արամ Աթեշյանը, ով մարտի 12-ին Քաղաքացիական հասարակության կազմակերպություններն ուսումնասիրող ենթահանձնաժողովին է հյուրընկալվել իր օգնականների հետ միասին, դիմել է պատգամավորներին և ասել. «Հայերն այս հողերի սեփական զավակներն են: Չենք ցանկանում հիշվել օտարների նման»:
Բաժանորդագրվեք մեր ալիքին Telegram-ում