Ընդդիմությունը Միխեիլ Սահակաշվիլիին առաջարկում է համաժողովրդական քվեարկություն անցկացնել ապագա խորհրդարանական ընտրությունների ժամկետը որոշելու համար
1 րոպեի ընթերցում
ԹԲԻԼԻՍԻ, 5 ՆՈՅԵՄԲԵՐԻ, ԱՐՄԵՆՊՐԵՍ: Վրաստանի «Նոր աջերե ընդդիմադիր կուսակցությունը, որը չի մտնում ընդդիմադիր կոալիցիայի մեջ, նախագահ Միխեիլ Սահակաշվիլիին առաջարկում է համաժողովրդական քվեարկություն անցկացնել ապագա խորհրդարանական ընտրությունների ժամկետը որոշելու համար: Հենց այս հարցն է գլխավորներից մեկը Ռուսթավելիի պողոտայում հանրահավաք անցկացնող ընդդիմության պահանջների թվում: «Երբ երկու կողմերը խոսում են ժողովրդի անունից, եւ գործնականում փակուղային իրավիճակ է ստեղծվել, ավելի լավ է հանրաքվեի ճանապարհով լուծել այդ հարցը: Մենք առաջարկում ենք նախագահ Միխեիլ Սահակաշվիլիին եւ խորհրդարանի խոսնակ Նինո Բուրձանաձեին՝ կարեւոր որոշում ընդունել հանրաքվեի փերաբերյալ, եւ թող ժողովուրդը որոշի՝ ում դիրքորոշումն է ավելի ճիշտ՝ իշխանության դիրքորոշումը, թե՝ ընդդիմությանե,- մամուլի ասուլիսում ասել է «Նոր աջերե կուսակցության ղեկավար Դավիթ Գամկրելիձեն: