2 րոպեի ընթերցում
ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Կայացան Իսպանիայի առաջնության 27-րդ տուրի հանդիպումները: Ինչպես փոխանցում է «Արմենպրես»-ը, վկայակոչելով «Լա Լիգա»-ի պաշտոնական կայքը, տուրի հանդիպումներում խոշոր հաշիվ գրանցվեց միայն «Էսպանիոլ»-«Ռայո Վալենկանա» հանդիպման ժամանակ` (5-1):
Մրցաշարային աղյուսակի առաջատար «Ռեալ»-ը հյուրընկալվեց «Բետիս»-ին ու առավելության հասավ 3-2 հաշվով:
«Ռասինգ»-«Բարսելոնա» հանդիպումն ավարտվեց 2-0` հօգուտ կատալոնացիների: «Մալագա»-ն նվազագույն հաշվով` (1-0) առավելության հասավ «Լեւանտե»-ի, իսկ «Սպորտինգ»-ը` «Սեւիլիա»-ի նկատմամբ:
«Ռեալ Սոսեյեդատ»-ը 3 անպատասխան գնդակ ուղարկեց «Սարագոսա»-ի դարպասը` սեփականը պահելով անառիկ:
«Ատլետիկո»-ն սեփական հարկի տակ հաղթեց «Գրանադա»-ին` 2-0 հաշվով: Իսկ «Օսասունա»-«Ատլետիկ» հանդիպումն ավարտվեց 2-1:
Մրցաշարային աղյուսակը շարունակում է գլխավորել «Ռեալ»-ը` 70 միավորով: Երկրորդ տեղում «Բարսելոնա»-ն է` 60 միավորով: Եռյակը եզրափակում է «Վալենսիա»-ն` 44 միավորով:
[www.online-soccer.ru] Racing Santander 0-1... by