1 րոպեի ընթերցում
ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Ֆուտբոլի միջազգային ֆեդերացիան՝ ՖԻՖԱ -ն կարող Է որակազրկել Գամբիայի ֆուտբոլի ազգային հավաքականին` զրկելով վերջինիս բոլոր միջազգային մրցումներին մասնակցելու իրավունքից:
Այս մասին «Արմենպրես»-ին տեղեկացրել են Մարզական լրագրողների միջազգային ասոցիացիայից՝ ԱԻՊՍ-ից: ՖԻՖԱ-ի նախագահ Զեպ Բլաթերը հայտարարել է, որ հարցը կարող Է քննարկվել ՖԻՖԱ-ի առաջիկա նիստում:
Գամբիայի կառավարությունը ցրել Է երկրի ֆուտբոլի ազգային ասոցիացիան այն բանից հետո, երբ Գամբիայի ֆուտբոլիստները չեն կարողացել հաղթահարել Աֆրիկայի գավաթի ընտրական մրցաշարը, ինչը եւ առաջացրել Է ՖԻՖԱ-ի զայրույթը եւ համապատասխան արձագանքը:
ՖԻՖԱ-ն հայտարարել Է, որ չի ճանաչում Գամբիայի կառավարության կողմից նշանակված այս երկրի ֆուտբոլի ֆեդերացայի նոր ղեկավարներին եւ առաջարկել Է մինչեւ մարտի 8-ը լուծել այս խնդիրը: