1 րոպեի ընթերցում
ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: «Հարավկովկասյան երկաթուղի» ընկերության գլխավոր տնօրեն Վիկտոր Ռեբեցը մարտի 5-ին հանդիպում է ունեցել Ն.Ս.Օ.Տ.Տ. Գարեգին Երկրորդ Կաթողիկոսի հետ: Այս մասին «Արմենպրես»-ին տեղեկացրին ընկերության լրատվական ծառայությունից:
Իր օրհնությունը տալով ՀԿԵ-ի ղեկավարին՝ Կաթողիկոսը շնորհավորեց նրան նշանակման կապակցությամբ և մաղթեց արդյունավետ աշխատանք Հայաստանի երկաթուղու ղեկավարի պաշտոնին:
Հանդիպման ընթացքում «ՀԿԵ» ՓԲԸ գլխավոր տնօրենը Սուրբ Հայ Առաքելական Եկեղեցու առաջնորդի հետ քննարկեց երկկողմանի հարաբերությունների զարգացման հեռանկարները: Գարեգին Երկրորդը իր հերթին հույս հայտնեց ՀԿԵ-ի հետ համագործակցության և փոխըմբռնման մակարդակի զարգացմանը:
Ամենայն Հայոց Կաթողիկոսը հույս հայտնեց, որ Ռեբեցը Հայաստանում նոր ընկերներ կգտնի՝ հաշվի առնելով հայ ժողովրդի համակրանքը Ռուսաստանի հանդեպ: