Բերեզովսկին իր հետ կատարվածը հեքիաթ է համարում

ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Հայաստանի ազգային հավաքականի դարպասապահ Ռոման Բերեզովսկին հարցազրույց է տվելsport-express.ru-ին: Բերեզովսկին, անդրադառնալով իր տեղափոխությանը ռուսական «Պրեմիր Լիգա», այն համարում է հրաշք, քանի որ կարծում է` իր համար բարձունքներ նվաճելու ժամանակը անցել է:

Խոսելով «Դինամո»-ի մասին` Բերեզովսկին ասել է, որ մոսկովյան ակումբը պրոֆեսիոնալ մակարդակով մարզվող թիմ է եւ իր համար սկզբում շատ դժվար էր: Սակայն իր հետ պատահած դեպքերը Ազգային հավաքականի անդամը հեքիաթ է համարում:

Ինչպես փոխանցում է «Արմենպրես»-ը, դարպասապահը իր այսքան երկար դիմանալու գաղտնիքը տարիների ընթացքում ձեռք բերած փորձն է համարում: