Մովսիսյանն անսպասելի լքել է ուսումնամարզական հավաքը

ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի հարձակվող Յուրա Մովսիսյանը անակնկալ կերպով լքել է Թուրքիայում ուսումնամարզական հավաք անցկացնող «Կրասնոդար»-ի բազան:

Ինչպես փոխանցում է «Արմենպրես»-ը, վկայակոչելով Fckrasnodar.ru-ը, փետրվարի 23-ին Մովսիսյանը մեկնել է Ամերիկայի Միացյալ Նահանգներ: Մովսիսյանն այս օրերին պետք է զավակ ունենա: «Կրասնոդար»-ի մարզչական շտաբը հարգելի կերպով ազատ է արձակել Մովսիսյանին:

Հարձակվողն առաջիկա հանդիպումը կանցկացնի Հայաստանի ազգային հավաքականում` փետրվարի 28-29-ին Կիպրոսում կայանալիք խաղերին: