«Շախտյոր»-ը պարտվեց երկու գնդակի տարբերությամբ

ԵՐԵՎԱՆ, ՓԵՏՐՎԱՐԻ, ԱՐՄԵՆՊՐԵՍ: Copa del Sol միջազգային մրցաշարում իրենց ուժերն են չափել «Շախտյոր»-ն ու «Կոպենհագեն»-ը:«Արմենպրես»-ի փոխանցմամբ, Հայաստանի ազգային հավաքականի կիսապաշտպան Հենրիկ Մխիթարյանը «Շախտյոր»-ի մեկնարկային կազմում էր եւ փոխարինվել է միայն երկրորդ խաղակեսում:

Ուկրաինացիներին չի հաջողվել առավելության հասնել Դանիայի չեմպիոն «Կոպենհագեն»-ի նկատմամբ: Դանիական ֆուտբոլի ներկայացուցիչներն առաջինն են բացել խաղի հաշիվը եւ կարողացել կրկնապատկել այն: Խաղն ավարտվել է 2-0 հաշվով` հօգուտ «Կոպենհագեն»-ի:

Սա հանքափորների երրորդ հանդիպումն էր այս մրցաշարում: «Շախտյոր»-ն այժմ ունի հինգ միավոր եւ զբաղեցնում է մրցաշարային աղուսյակի երրորդ հորիզոնականը: