Ադրբեջանում տեղի ունեցած ճանապարհատրանսպորտային պատահարի հետեւանքով 14 մարդ է զոհվել
1 րոպեի ընթերցում
ԲԱՔՈՒ, 5 ՆՈՅԵՄԲԵՐԻ, ԱՐՄԵՆՊՐԵՍ: Այսօր գիշերը Բաքու-Ղազախ մայրուղում տեղի ունեցած ճանապարհատրանսպորտային պատահարի հետեւանքով 14 մարդ է զոհվել: Ինչպես ՌԻԱ «Նովոստիե-ին հայտնել է Ադրբեջանի ճանապարհային ոստիկանության գլխավոր վարչության մամուլի ծառայության ղեկավար Արաստուն Մեջիդովը, «Մերսեդեսե մակնիշի միկրոավտոբուսը մխրճվել է առջեւից ընթացող «ԿամԱԶե-ի մեջ, որը բեռնված է եղել քարերով: Դրա հետեւանքով զոհվել են ավտոբուսում գտնվող 14 ուղեւորներ: Եվս վեցը՝ տարբեր աստիճանի ծանրության վերքերով, տեղափոխվել են հիվանդանոց: Բոլոր զոհվածներն ազգականներ էին, որոնք վերադառնում էին հարսանիքից: Ճանապարհատրանսպորտային պատահարի փաստով քրեական գործ է հարուցվել, կատարվում է հետաքննություն: