1 րոպեի ընթերցում
ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Հայաստանի չեմպիոն «Ուլիս»-ը ստուգողական խաղում 3:0 խոշոր հաշվով առավելության է հասել Երևանի «Միկա»-ի նկատմամբ: Ինչպես «Արմենպրես»-ին տեղեկացրին «Ուլիս»-ի մամուլի ծառայությունից, Ավանի ֆուտբոլի ակադեմիայում տեղի ունեցած խաղում «Ուլիս»-ի կազմում երկու գոլի հեղինակ է դարձել Գևորգ Նռանյանը: Եվս մեկ անգամ աչքի է ընկել կոտդիվուարցի Սամուել Զոկուն:
«Ուլիս»-ը պատրաստվում է վրացական Ուռեկիում ուսումնամարզական հավաք անցկացնել; Փետրվարի վեցից սկսվող ուսումնամարզական հավաքի ընթացքում «Ուլիս»-ը կմրցի Վրաստանի առաջնության բարձրագույն խմբի ներկայացուցիչ Մարտվիլիի «Մերանի»-ի, ինչպես նաև առաջին խմբի թիմեր Բաթումիի «Դինամո»-ի և Սաչխարեի Չիխուրայի հետ: