1 րոպեի ընթերցում
ԱՆԹԻԼԻԱՍ, 25 ՀՈՒՆՎԱՐԻ, ԱՐՄԵՆՊՐԵՍ: Արամ Ա կաթողիկոսի նախագահությամբ հունվարի 24-ին Մեծ Տանն Կիլիկիայի կաթողիկոսության նստավայրում` Լիբանանի Անթալիաս քաղաքի Մայրավանքում, տեղի է ունեցել «Քրիստոնյա-Իսլամ» համագումարի բացումը:
Ինչպես «Արմենպրես»-ին տեղեկացնում են կաթողիկոսությունից, համագումարին իրենց մասնակցությունն են ցուցաբերել քրիստոնյա եւ իսլամ հոգեւորական ու աշխարհիկ բարձրաստիճան ներկայացուցիչներ արաբական աշխարհի տարբեր շրջաններից, ինչպես նաեւ` հատուկ ներկայացուցիչներ Եվրոպայից եւ Հյուսիսային Ամերիկայից:
Համագումարի կազմակերպման նախաձեռնությունը Արամ Ա կաթողիկոսինն է: Մեծի Տանն Կիլիկիիայի կաթողիկոսության կողմից համագումարի աշխատանքներում իրենց մասնակցությունն են ունեցել նաեւ Գերշ. Տ. Սեպուհ Արքեպիսկոպոս Սարգիսեանը, Գերշ. Տ. Նարեկ Արքեպիսկոպոս Ալեէմէզեանը եւ Հոգշ. Տ. Մասիս Վրդապետ Զօպուեանը:
Համագումարը տեւալու է մինչեւ հունվարի 28-ը: