1 րոպեի ընթերցում
ԴՈՒԲԱՅ, 21 ՀՈՒՆՎԱՐԻ, ԱՐՄԵՆՊՐԵՍ: Հայաստանի ազգային հավաքականի եւ ուկրաինական «Շախտյոր»-ի առաջատար ֆուտբոլիստ Հենրիխ Մխիթարյանը հունվարի 21-ին նշում է իր ծննդյան 23-ամյակը:
Ինչպես տեղեկացնում է «Արմենպրես»-ը, Հենրիխ Մխիթարյանն իր ծննդյանը օրը նշում է հենց խաղադաշտում` ընդդեմ թունիսական «Էտուալ դու Սահել»: Նա արդեն իսկ նվեր է մատուցել իր ծննդյան կապակցությամբ` առաջին խաղակեսում դառնալով երկու գնդակի հեղինակ` 10-րդ, 12-րդ րոպեներին: Այս պահին ընթանում է հանդիպման երկրորդ խաղակեսը. հաշիվն է` 2-1 հօգուտ «Շախտյոր»-ի:
Հիշեցնենք, որ «հանքափորներ»-ը մասնակցում են «Dubai Cup» մրցաշարին եւ առաջին խաղում տասնմեկ մետրանոց հարվածներով պարտվել են Ուզբեկստանի մինչեւ 23 տարեկանների ազգային ընտրանուն: