1 րոպեի ընթերցում
ԵՐԵՎԱՆ,18 ՀՈՒՆՎԱՐԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի գլխավոր մարզիչ Վարդան Մինասյանը հարցազրույց է տվելhttp://news.sportbox.ruկայքէջին:
Ինչպես հաղորդում է «Արմենպրես»-ը, վկայակոչելով նույն կայքը, Մինասյանը անդրադարձել է իր այցելությանն Իսպանիա` նշելով, որ այնտեղ է «սովորելու նպատակով»: Գլխավոր մարզիչը համոզված է, որ նույնիսկ 70-ամյա Կապելոն այս տարիքում սովորելու բան ունի:
Մինասյանը համաշխարհային ֆուտբոլից առանձնացրել է «Բարսելոնա»-ի գլխավոր մարզիչ Պեպ Գվարդիոլային ու Արսեն Վենգերին, ինչպես նաեւ` Ժոզե Մոուրինիոյին:
Ազգային հավաքականի մարզիչը պատասխանել է նաեւ լրագրողի այն հարցին, թե ինչպես է վերաբերում Մարկոս Պիզզելի տեղափոխությանը: Մինասյանն ասել է, որ սա նոր շրջան է Պիզելիի համար: Նա համոզված է, որ Մարկոսը կօգտվի իրեն ընձեռված հնարավորությունից եւ ցույց կտա իսկական խաղ:
«Մեր վերջին հաջողությունից հետո մեզանից միայն հաղթանակներ են պահանջում: Այսպիսինն է հայի բնավորությունը` ամեն ինչ կամ ոչինչ»,- ասել է 2011 թ-ի Հայաստանի լավագույն մարզիչը: