367.79
Արամ Ա կաթողիկոսն ընդունել է Ղազախստանում Լիբանանի դեսպան Վազգեն Գարլաքյանին
1 րոպեի ընթերցում
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Մեծի Տանն Կիլիկիո կաթողիկոս Արամ Առաջինը հունվարի 13-ին ընդունել է Ղազախստանում Լիբանանի արտակարգ և լիազոր դեսպան Վազգեն Գարլաքյանին: Ինչպես «Արմենպրես»-ին տեղեկացրին Անթիլիասի կաթողիկոսարանի մամլո դիվանից, հանդիպման ընթացքում դեսպան Գալաքյանը Վեհափառին մանրամասնորեն ներկայացրել է Ղազախստանին առնչվող խնդիրներ, ինչպես նաեւ իր կատարած աշխատանքի արդյունքները: Վեհափառ Հայրապետը բարձր է գնահատել դեսպանի աշխատանքը, և ընդգծել, որ այդ ծառայությունը մեծ պատիվ է բերում ինչպես Լիբանանին, այնպես էլ ամբողջ հայությանը:
Դեսպանը նաև հայտնել է Արամ Առաջինին, որ Վեհափառին հրավեր է ներկայացվելու Ղազախստանում կայանալիք միջկրոնական միջազգային համագումարին:
Վազգեն Գարլաքյանը Ղազախստանում Լիբանանի առաջին դեսպանն է և իր ծառայությունն իրականացնում է արդեն չորս տարի, և նշանակալի ներդրում է կատարել Լիբանանի և Ղազախստանի քաղաքական և տնտեսական հարաբերությունների զարգացման գործում:
Բաժանորդագրվեք մեր ալիքին Telegram-ում