Մարկոս Պիզելին` «Կուբան»-ի ֆուտբոլիստ

ԵՐԵՎԱՆ, 13 ՀՈւՆՎԱՐԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի ֆուտբոլիստ Մարկոս Պիզելին տեղափոխվել է «Կուբան»:

Ինչպես հաղորդում է «Արմենպրես»-ը` վկայակոչելով http://www.fckuban.ru-ը,Պիզելին անցել է բժշկական քննությունը եւ ստորագրել է պայմանագիր: Մարկոսը նոր թիմի հետ կանցկացնի երեք տարի:

Ազգային հավաքականի ֆուտբոլիստը «Կուբան» է տեղափոխվել Դոնեցկի «Մետալուրգ»-ից, որտեղ հանդես է գալիս 2011 թվականի ամռանից: Ուկրաինական առաջնության շրջանակներում Պիզելին մասնակցել է 18 խաղի` դառնալով 4 գոլի հեղինակ: