1 րոպեի ընթերցում
ԵՐԵՎԱՆ, 9 ՀՈՒՎԱՐԻ, ԱՐՄԵՆՊՐԵՍ: Իսպանական «Բարսելոնա»-ի գլխավոր մարզիչ Պեպ Գվարդիոլան շարունակում է հավատալ, որ կատալոնական ակումբը դեռ հնարավորություններ ունի նվաճելու Իսպանիայի չեմպիոնի կոչումը:
Ինչպես հաղորդում է «Արմենպրես»-ը, վկայակոչելով http://terrikon.com-ը, կապտանռնագույնները այժմ երկրորդն են, սակայն առջեւում է դեռ մրցաշարի երկրորդ խաղաշրջանը:
«Մրցաշրջանը դեռ առջեւվում է: Մենք դեռ բավականին շատ խաղեր ունենք եւ շատ հաջող թիմ: Մեզ դեռ շատ դժվար հանդիպումներ են սպասվում: Մեր նպատակն է սովորելով մեր սխալների վրա` շարունակել անել այն լավը, որ անում ենք եւ խուսափել այնպիսի սխալներից, որն ունեցանք այսօր»,- ասել է Գվարդիոլան:
Կատալոնական ակումբի մարզիչն անդրադարձել է նաեւ «Էսպանիոլ»-ի ֆուտբոլիստի ձեռքով խաղին` նշելով, որ «մենք պետք է նայենք մեր սխալներին, այլ ոչ թե մրցավարներին»: