1 րոպեի ընթերցում
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Ֆրանսիայի ազգային հավաքականի եւ անգլիական «Չելսի»-ի ֆուտբոլիստ Ֆլորան Մալուդան չի տեղափոխվի «Անժի»:
Ինչպես հաղորդում է «Արմենպրես»-ը, վկայակոչելով http://www.eurosport.ru –ը, թեեւ Մալուդան հիմնականում պահեստայինների շարքում է, ֆրանսիացու տեղափոխության մասին լուրերը անհիմն են:
«Ես նույնիսկ չեմ կարողանում արտաբերել այդ թիմի անունը: Չգիտեմ որտեղից են գալիս այս խոսակցություները, բայց դրանք իրականությանը չեն համապատասխանում»,- ասել է Մալուդան:
31-ամյա ֆուտբոլիստի պայմանագիրն անգլիական ակումբի հետ ավարտվում է 2013 թվականին: Չի բացառվում նաեւ, որ «Չելսի»-ն շուտով կհրաժարվի ֆուտբոլիստի ծառայություններից: