1 րոպեի ընթերցում
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի առաջատար Հենրիխ Մխիթարյանը ճանաչվել է Դոնեցկի «Շախտյոր»-ի լավագույն հենակետային կիսապաշտպան: Ինչպես հաղորդում է «Արմենպրես»-ը' վկայակոչելով «հանքափորների» պաշտոնական կայքը, ընդհանուր առմամբ քվեարկությանը մասնակցել են 1590 այցելուներ, որոնցից 1000-ը (62,89%) իրենց ձայները տվել են Մխիթարյանին: Երկրորդ տեղում բրազիլացի Ֆերնանդինյոն է' 345 ձայնով (21,70%):
Ակումբը նման հարցումներով փորձում է ստանալ թիմի այս տարվա իդեալական կազմը: Այսպիսով, «Շախտյոր»-ի հենակետայինների զույգը կկազմեն Մխիթարյանն ու Ֆերնանդինիոն: