Շախմատի Եվրոպայի թիմային առաջնության մրցաշարի 5-րդ փուլում ՀՀ հավաքականները զբաղեցնում են 7-րդ տեղը
1 րոպեի ընթերցում
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ (թղթ.Զավեն Վարդանյան): Հայաստանի շախմատի տղամարդկանց հավաքականը, Սերբիայի Նովի Սադ քաղաքում ընթացող Եվրոպայի թիմային առաջնության մրցաշարի 5-րդ փուլում ոչ-ոքի՝ 2:2 խաղալով üրանսիայի թիմի հետ, վաստակել է 7 միավոր եւ այժմ կիսում Է 4-10-րդ տեղերը: Լրացուցիչ չափանիշներով Հայաստանի թիմը զբաղեցնում Է 7-րդ տեղը: Այս փուլից հետո մրցաշարի առաջատարն Է Ադրբեջանի թիմը՝ 10 միավոր: Նշված փուլում Լ.Արոնյանը զիջել է Էթիեն Բաքրոյին, Գաբրիել Սարգսյանը հաղթել է Էդուար Ռոմենին, իսկ Վլադիմիր Հակոբյանը եւ Տիգրան Պետրոսյանը ոչ-ոքի են խաղացել, համապատասխանաբար, Լորան üրեսինիեի եւ Սեբաստիեն üելլերի հետ: Հայաստանի կանանց թիմը նույն մրցաշարի 5-րդ փուլում ոչ- ոքի է խաղացել Ադրբեջանի թիմի հետ: Բոլոր չորս պարտիաներն են ավարտվել են խաղաղ դաշինքով՝ Էլինա Դանիելյան- Զեյնաբ Մամեդյարովա, Լիլիթ Մկրտչյան-Նարմին Քյազիմովա, Նելլի Աղինյան- Թուրքան Մամեդյարովա, Սիրանուշ Անդրեասյան-Հայալա Իսքանդարովա: 5-րդ փուլից հետո Հայաստանի շախմատիստուհիները 7-ական միավորով կիսում են 5-7-րդ, իսկ լրացուցիչ չափանիշներով զբաղեցնում են 7-րդ տեղը: Մրցաշարի առաջատարն Է Վրաստանի կանանց թիմը՝ 9 միավոր: