ԱՄՆ գլխավոր շտաբ. «Հակահրթիռային պաշտպանությունը կարելի է տեղակայել Ադրբեջանում եւ Իսրայելումե
2 րոպեի ընթերցում
ՎԱՇԻՆԳՏՈՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ զինված ուժերի գլխավոր շտաբի պետ Ջեյմս Կարթրայթը եւ պաշտպանության նախարար Ռոբերտ Գեյթսը հայտարարել են, որ ԱՄՆ-ը կարող են նախկինում արեւելյան Եվրոպայի համար նախատեսված հակահրթիռային պաշտպանության բաղադրամասերը տեղակայել Ադրբեջանում եւ Իսրայելում, հայտնել է իսրայելյան Debkafile կայքը: «Նրանք ասել են, որ այն բանից հետո, երբ ԱՄՆ-ը հրաժարվել են հակահրթիռային համակարգերը տեղադրել Չեխիայի Հանրապետությունում եւ Լեհաստանում, պաշտոնական Վաշինգտոնը գտել է «դրա համար ավելի ընդունելի վայրե: Աղբյուրը նշում է, որ նման վայրերից մեկը գտնվում է Ադրբեջանի Գաբալայի շրջանում, իսկ Իսրայելում` արդեն կա նման վայր, որտեղ արդեն գործում է հակաօդային պաշտպանության համակարգ: Տեղեկատվության մեջ ասվում է, որ խոսքը ժամանակակից FBX-T ռադարային համակարգի մասին է, որը տեղադրված է Նեվատիմի մոտ գտնվող Նեգեվ բազայում: Այդ համակարգը Պարսից ծոցից արձակվող բոլոր հրթիռներին վերահսկելու հնարավորություն ունի: Իսրայելյան կայքը նշում է, որ ի պատասխան արեւելյան Եվրոպայում հակահրթիռային պաշտպանության համակարգեր տեղադրելուց հրաժարվելու մասին ԱՄՆ նախագահ Բարաք Օբամայի որոշմանը, Կրեմլը խոստացել է չխանգարել ԱՄՆ կողմից Իրանի նկատմամբ կիրառվող արգելանքներին: Աղբյուրի խոսքերով, կողմերի համաձայնության գալու գլխավոր պատճառն այն է, որ երկու երկրներն էլ չեն ցանկանում, որ Իսրայելը հրթիռային հարվածներ հասցնի Իրանին: