Առաջիկայում կսկսվեն Կեչուտի ջրամբարի վերականգնման աշխատանքները

ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ (թղթ. Հասմիկ Գեւորգյան): Առաջիկայում կսկսվեն Կեչուտի ջրամբարի վերականգնման աշխատանքները Համաշխարհային բանկի կողմից ýինասավորվող «Պատվարների անվտանգության ապահովման ծրագրիե շրջանակներում: Ինչպես «Արմենպրեսե-ի թղթակցին ասաց «Ջրային հիմնահարցերի եւ հիդրոտեխնիկայի ինստիտուտիե գլխավոր ճարտարագետ Հրանտ Մինասյանը, Կեչուտի 25 մլն խմ ընդհանուր տարողությամբ ջրամբարը, որտեղ վերջին անգամ շինարարական աշխատանքներ են կատարվել 80-ականներին, այսօր վթարավտանգ վիճակում է: Վերառուցման համար մշակվել է հատուկ նախագիծ, որն արդեն հաստատել է ՀՀ բնապահպանության նախարարության շրջակա միջավայրի վրա ազդեցության փորձաքննության մասնագիտական իրավասության հավաստագիր տվող հանձնաժողովը: Ըստ Հ. Մինասյանի` նոր նախագծով կվերականգնվեն վերոնշյալ ջրային օբյեկտի հիդրոկառուցվածքները, կառույցի աջակողմյան կոլեկտորը, կանցկացվի նոր ջրահեռացման համակարգ: Կառուցվելիք վթարային ջրթողը կմիացվի ոռոգման համակարգերին: Կեչուտի ջրամբարի վերականգնման աշխատանքները կավարտվեն 2007-ին: