Կիլիկիո կաթողիկոսությունից պատվիրակություն է ժամանել Ս. Էջմիածին` զորակցություն հայտնելու Գարեգին Բ. Ամենայն Հայոց կաթողիկոսին
1 րոպեի ընթերցում
ԱՆԹԻԼԻԱՍ, 11 ՄԱՐՏԻ, ԱՐՄԵՆՊՐԵՍ: Մեծի Տանն Կիլիկիո կաթողիկոսությունից պատվիրակություն է ժամանել Ս. Էջմիածին` մարտ 1-ի իրադարձությունների առիթով զորակցություն հայտնելու Ն.Ս.Օ.Տ.Տ. Գարեգին Բ. Ամենայն Հայոց կաթողիկոսին, ինչպես նաեւ զոհերի ընտանիքներին եւ վիրավորներին: Ինչպես «Արմենպրեսե-ին հայտնեցին Անթիլիսից. պատվիրակության կազմում են Սեպուհ արք. Սարգսյանը եւ Նարեկ եպս. Ալեմեզյանը: Արամ Ա կաթողիկոսը մեկ անգամ եւս նշել է, որ այսօր, երբ հայրենիքը դժվարությունների է դիմագրավում, մեր ժողովուրդի զավակներն անհրաժեշտ է, որ մի կողմ դնեն ամեն տեսակ կողմնակի հարցերն ու միավորվեն համազգային արժեքների ու շահերի շուրջ: