ՀՀ-ում Թուրքմենստանի դեսպանը հրաժեշտ է տվել Ն.Ս.Օ.Տ.Տ. Գարեգին Բ Ամենայն Հայոց կաթողիկոսին
1 րոպեի ընթերցում
ԷՋՄԻԱԾԻՆ, 8 ՓԵՏՐՎԱՐԻ, ԱՐՄԵՆՊՐԵՍ: Մայր Աթոռ Սբ Էջմիածնում Ն.Ս.Օ.Տ.Տ. Գարեգին Բ Ամենայն Հայոց կաթողիկոսն այսօր ընդունել է Հայաստանի Հանրապետությունում իր դիվանագիտական առաքելությունն ավարտող` Թուրքմենստանի արտակարգ եւ լիազոր դեսպան Խիդիր Սապարլիեւին։ Ինչպես «Արմենպրեսե-ին տեղեկացրին Մայր Աթոռի մամլո դիվանից, Նորին սրբությունն իր գնահատանքն է հայտնել դեսպանին եւ ցանկացել նորանոր հաջողություններ հետագա ծառայության մեջ: «Հայաստանն իմ երկրորդ հայրենիքն էե,-ասել է դեսպանը` նշելով, որ լավ տպավորություններով է մեկնում Հայաստանից: Հանդիպման ժամանակ խոսվել է նաեւ հայ-թուրքմենական հարաբերությունների եւ երկու երկրների միջեւ առկա համագործակցության մասին: