ՀՀ նախագահ Ռոբերտ Քոչարյանը «Եռաբլուրե պանթեոնում հարգանքիտուրք մատուցեց արցախյան հերոսամարտում զոհվածների հիշատակին
1 րոպեի ընթերցում
ԵՐԵՎԱՆ, 30 ԴԵԿՏԵՄԲԵՐԻ, ԱՐՄԵՆՊՐԵՍ (թղթ. Արման Գասպարյան): ՀՀ նախագահ Ռոբերտ Քոչարյանն այսօր այցելեց «Եռաբլուրե պանթեոն` հարգանքի տուրք մատուցելու արցախյան հերոսամարտի զոհերի հիշատակին: Նախագահին ուղեկցում էին ՀՀ վարչապետ Անդրանիկ Մարգարյանը, նախագահին առընթեր ազգային անվտանգության խորհրդի քարտուղար, պաշտպանության նախարար Սերժ Սարգսյանը, արտաքին գործերի նախարար, Վարդան Օսկանյանը, ԱԺ նախագահ Տիգրան Թորոսյանը, ազգային անվտանգության ծառայության տնօրեն Գորիկ Հակոբյանը, բարձրաստիճան պաշտոնատար այլ անձիք եւ զինվորականներ: Նրանք ծաղիկներ դրեցին Զորավար Անդրանիկի, սպարապետ Վազգեն Սարգսյանի շիրիմներին ու արցախյան հերոսամարտի նահատակների հիշատակը հավերժացնող հուշարձանին: