Ն.Ս.Օ.Տ.Տ. Գարեգին Բ Ամենայն Հայոց կաթողիկոսն ընդունել Է Արևմտաեվրոպական միության վեհաժողովի փոխնախագահին
1 րոպեի ընթերցում
ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն Հայոց կաթողիկոսն այսօր Մայր Աթոռ Սուրբ Էջմիածնում ընդունել Է Արևմտաեվրոպական միության վեհաժողովի փոխնախագահ, միությունում Իտալիայի պատվիրակության նախագահ Մարկո Զակերանին՝ ՀՀ-ում Իտալիայի Հանրապետության արտակարգ և լիազոր դեսպան Մարկո Կլեմենտեի ուղեկցությամբ: Ինչպես հայտնեցին Մայր Աթոռի մամլո դիվանից, հանդիպման ընթացքում խոսվել Է ապագային Հայաստանի` Եվրամիությանն անդամագրվելու հնարավորության, ինչպես նաև արցախյան հակամարտության խաղաղ կարգավորման անհրաժեշտության մասին: Անդրադարձ Է եղել նաև աշխարհասփյուռ հայության կյանքում Մայր Աթոռ Սուրբ Էջմիածնի առաքելությանը և գործունեությանը: