1 րոպեի ընթերցում
ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Գարեգին Բ Ամենայն Հայոց Կաթողիկոսը, որ այս օրերին Կրասնոյարսկի հայկական եկեղեցու օծման առիթով գտնվում էր Նոր Նախիջեւանի եւ Ռուսաստանի թեմում, երեկ մեկնել է Ուկրաինայի հայոց թեմ։ Այցի նպատակը, ինչպես հայտնեցին Մայր աթոռի մամլո դիվանից, կրկին եկեղեցու օծումն է։ Մայիսի 18-ին ձեռամբ Հայոց Հայրապետի կվերաօծվի Լվովի Սբ. Աստվածածնի Վերափոխման եկեղեցին։ 14-րդ դարի հայկական այս եկեղեցին չէր գործում 1945թ. ի վեր եւ ծառայում էր իբրեւ սրբապատկերների պահեստ։ Եկեղեցին ամբողջությամբ Հայոց թեմին վերադարձվեց անցած տարվա դեկտեմբերին։