1 րոպեի ընթերցում
ԷՋՄԻԱԾԻՆ, 24 ՀՈՒԼԻՍԻ, ԱՐՄԵՆՊՐԵՍ: Գարեգին Բ կաթողիկոսը ցավակցություն է հայտնել Արմեն Խոստիկյանի սգակիր ընտանիքին: Ցավակցական ուղերձում ասված է. « Ցավով և խորին ափսոսանքով տեղեկացանք հայ թատերական արվեստի կրած ծանր կորուստի՝ անվանի դերասան Արմեն Խոստիկյանի մահվան մասին։ Կյանքից հեռացավ մեր ժողովրդից սիրված ու գնահատված տաղանդաշատ դերասանը, ով թատերական բեմերում և կինոýիլմերում մարմնավորած իր դերերով սերունդների մեջ դաստիարակել է առ հայրենին սեր ու նվիրում և դժվարությունները ծիծաղով հաղթահարելու լավատեսություն: Արմեն Խոստիկյանը ծանրաբեռն իր վաստակով հավերժ պիտի ապրի հայ սերունդների հիշողության մեջ: Ծանր կորստյան այս պահին Մայր Աթոռ Սուրբ Էջմիածնից հանուն Գերագույն հոգևոր խորհրդի և Սուրբ Էջմիածնի միաբանության՝ Մեր վշտակցությունն ենք բերում հանգուցյալի ընտանյաց անդամներին և բոլոր հարազատներին։ Միածնի Իջման Սուրբ Սեղանի առջև աղոթում ենք առ Բարեգութ և Ողորմածն Աստված, որ երկնային երանական Իր հանգրվաններում խաղաղության ու լույսերի մեջ ընդունի հանգուցյալի հոգին և Սուրբ Հոգու շնորհով մխիթարություն ու սփոփանք պարգևի նրա ընտանիքին և բոլոր մերձավորներինե