1 րոպեի ընթերցում
ԷՋՄԻԱԾԻՆ, 3 ՄԱՐՏԻ. ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն հայոց կաթողիկոսն այսօր ընդունեց Հայաստանում Մեծ Բրիտանիայի եւ Հյուսիսային Իռլանդիայի Միացյալ Թագավորության նորանշանակ դեսպան տիկին Թորդա Էբոթ-Ուայթին եւ իր բարեմաղթանքն ու շնորհավորանքը հայտնեց նշանակման առիթով։ Ինչպես հայտնեցին Մայր Աթոռի մամլո դիվանից, զրույցի ընթացքում խոսվել է երկու երկրների միջեւ առկա բարեկամական հարաբերությունների, Հայ Առաքելական ու Անգլիկան եկեղեցիների միջեւ եղբայրական կապերի մասին։ Դեսպանի խնդրանքով Վեհափառ Հայրապետն անդրադարձել է նաեւ Հայ եկեղեցու խորհրդային տարիներին կրած դժվարություններին, ինչպես նաեւ Մայր Աթոռ Սբ Էջմիածնի ներկայիս կացությանն ու առաքելությանը։ Հանդիպման ավարտին Նորին Սրբությունը վստահություն է հայտնել, որ նորանշանակ դեսպանն իր գործունեությամբ առավել կարդյունավորի հայ-անգլիական ջերմ կապերը։