1 րոպեի ընթերցում
օտարերկրյա ճարտարագետների ԷՋՄԻԱԾԻՆ, 16 ՀՈԿՏԵՄԲԵՐԻ. ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն Հայոց Կաթողիկոսն այսօր ընդունեց Երեւանի ճարտարագիտական համալսարանի 70-ամյա հոբելյանի առիթով կազմակերպված «Ինժեներական կրթությունը եւ գիտությունըե գիտաժողովին մասնակից մի խումբ օտարերկրյա գիտնականների՝ համալսարանի ռեկտոր Յուրի Սարգսյանի գլխավորությամբ։ Ինչպես հայտնեցին Մայր Աթոռի մամլո դիվանից, Վեհափառ Հայրապետը ողջունել է հյուրերին, նշելով, որ նրանց մասնակցությունը հոբելյանական տոնակատարություններին համալսարանի նորընթաց վերելքի ու ծրագրերի հաջողության լավագույն վկայությունն է։ Նորին Սրբությունը շնորհավորել է ռեկտորին համալսարանի հոբելյանի առիթով եւ բարձր գնահատել ճարտարագետների ներդրումը երկրի զարգացման գործում։ Պատվիրակության անունից շնորհակալություն հայտնելով ընդունելության համար, Յու. Սարգսյանը նշել է, որ Հայ եկեղեցին մշտապես աջակից է եղել գիտության եւ կրթության գործին։ Զրույցի ընթացքում Վեհափառ Հայրապետն անդրադարձել է նաեւ Հայ եկեղեցու ներկայիս առաքելությանն ու խնդիրներին։