1 րոպեի ընթերցում
ԱՆԹԻԼԻԱՍ,17 ՀՈՒՆՎԱՐԻ.ԱՐՄԵՆՊՐԵՍ: Անգլիայի վարչապետ Թոնի Բլերի հրավերով երեկ Լոնդոն է մեկնել Մեծի Տանն Կիլիկիո Արամ Ա.կաթողիկոսը: Ինչպես տեղեկացնում է Անթիլիասի մամլո դիվանը, Անգլիայի վարչապետը կազմակերպել է քրիստոնյա-իսլամ հանդիպում, որին հրավիրել է երկու կրոնների 20 ճանաչված գործիչների աշխարհի տարբեր երկրներից: Հանդիպման ժամանակ, որին մասնակցելու է Թոնի Բլերը, քննարկվելու է քրիստոնեական եւ իսլամական եկեղեցիների միջեւ համագործակցություն սկսելու հնարավորությունների հարցը: Ըստ այդ տեղեկատվության, Արամ Ա-ն ղեկավարելու է հավաքի բաժիններից մեկ: Լոնդոնյան հավաքից հետո Վեհափառը մեկնելու է Ժնեւ՝ նախագահելու Եկեղեցիների համաշխարհային խորհրդի ժողովները: