1 րոպեի ընթերցում
ԵՐԵՎԱՆ, 11 ՄԱՐՏԻ (ԱՐՄԵՆՊՐԵՍ): Ինչպես տեղեկացնում են Անթիլիասից, Դամասկոսի Ասորի ուղղափառ եկեղեցու պատրիարքարանում, մարտի 8-9-ին Ղպտի Եկեղեցու պետ Շնուտա Գ-ի, Ասորի Եկեղեցու պետ Զագգա Ա-ի եւ Մեծի Տանն Կիլիկիոյ կաթողիկոս Արամ Ա-ի մասնակցությամբ, քննարկվվել են միջեկեղեցական մի շարք հարցեր, հատուկ շեշտվել է Միջին Արեւելքի երեք եկեղեցիների համագործակցությունն ամրապնդելու անհրաժեշտությունը: Դամասկոսից Անթիլիաս վերադարձին, Վեհափառ հայրապետը անձնական հանդիպում է ունեցել Սիրիայի փոխՆախագահ Աբդ էլ Հալիմ Խաթթամի հետ: Հանդիպման ընթացքում մտքեր են փոխանակվել Իսրայելի-Պաղեստին իրադարձություններին, առաջիկայում Արաբական լիգայի գումարման եւ միջազգային մի շարք իրավիճակներին առնչվող հարցերի շուրջ: ՓոխՆախագահը դրվատանքով է խոսել Սիրիայի եւ Լիբանանի հայության մասին, իր խոր գոհունակությունը հայտնել Վեհափառին նրա գործունեության ու մտահոգությունների համար, նրան իր տուն ճաշի հրավիրել: