1 րոպեի ընթերցում
ԱՆԹԻԼԻԱՍ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Մեծի Տանն Կիլիկիո Արամ Ա կաթողիկոսն Անթիլիասի Մայրավանքի իր գրասենյակում ընդունել է Պաղեստինի, Երուսաղեմի եւ Հորդանանի մարոնիթների պատրիարքական փոխանորդ Փոլ Սայյահ արքեպիսկոպոսին: Կիլիկիո Աթոռի մամլո դիվանից հայտնեցին, որ այցելության հիմնական նպատակն էր իրազեկել Վեհափառ Հայրապետին Պաղեստինի եւ Երուսաղեմի ներկայիս կացության եւ հատկապես քրիստոնեական եկեղեցիների դիմագրաված դժվարությունների մասին, ինչպես նաեւ խորհրդակցել՝ կապված առաջիկա հուլիսին Անգլիայում տեղի ունենալիք համագումարի հետ, ուր Արամ Ա կաթողիկոսը հրավիրված է որպես գլխավոր բանախոս: Հանդիպման ընթացքում քննարկվել են նաեւ Միջին Արեւելքի Եկեղեցիների խորհրդի եւ առհասարակ այս տարածաշրջանի քրիստոնեական եկեղեցիների փոխհարաբերություններին վերաբերող հարցեր: Արամ Ա կաթողիկոսը կարեւորել է միջքրիստոնեական գործակցության ամրապնդումը, ինչպես նաեւ քրիստոնեությու-իսլամ երկխոսությանը նոր մղում տալու հրամայականը: