1 րոպեի ընթերցում
ԷՋՄԻԱԾԻՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ: Հոկտեմբերի 17-ին Գարեգին Բ Ամենայն հայոց կաթողիկոսի օրհնությունն ստանալու նպատակով այսօր Մայր Աթոռ Սբ. Էջմիածին են այցելել ՀՌԱԿ 11-րդ պատգամավորական ժողովի ներկայացուցիչները՝ ՀՌԱԿ հանրապետական վաչության անդամներ եւ սփյուռքից ժամանած ՌԱԿ անդամներ: Ինչպես հայտնեցին Մայր Աթոռի մամլո դիվանից, հանդիպման ընթացքում Նորին Սրբությունն իր գնահատանքն է հայտնել սփյուռքի եւ Հայաստանի ռամկավարներին եկեղեցական ծրագրերին սատարելու համար եւ համոզմունք հայտնել, որ այսուհետ եւս նախանձախնդրորեն իրենց նպաստը կբերեն եկեղեցական կյանքի առաջընթացին: Շնորհակալություն հայտնելով ընդունելության համար՝ ՀՌԱԿ ատենապետ Ռուբեն Միրզախանյանը եւ ՌԱԿ փոխատենապետ Երվանդ Ազատյանը հավաստիացրել են, որ կուսակցությունը շարունակելու է աջակից լինել Մայր եկեղեցուն ու Մայր Աթոռ Սբ. Էջմիածնին՝ Մայր Աթոռը դիտելով իբրեւ ազգային միասնության խորհրդանիշ: