Արամ Ա կաթողիկոսը մեկնեց Ժնեւ՝ նախագահելու քրիստոնյա-իսլամ առնչություններին նվիրված միջազգային համագումարը
1 րոպեի ընթերցում
ԱՆԹԻԼԻԱՍ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Հոկտեմբեր 15-ի առավոտյան Մեծի Տանն Կիլիկիո Արամ Ա կաթողիկոսը մեկնեց ժնեւ՝ նախագահելու քրիստոնյա-իսլամ երկխոսության միջազգային համագումարը: Կիլիկիո Աթոռի մամլո դիվանից հայտնեցին, որ Վեհափառ Հայրապետը նաեւ զեկուցում պետք է կարդա համագումարում՝ քրիստոնյա-իսլամ երկխոսության եւ գործակցության խնդիրները եւ մարտահրավերները թեմայով: Համագումարին, որը կշարունակվի վեց օր, մասնակցելու են մտավորականներ, դասախոսներ, համայնքային հոգեւոր եւ աշխարհական, քրիստոնյա ու մահմեդական առաջորդներ աշխարհի բոլոր կողմերից: Ներկա կլինի Իրանի Իսլամական Հանրապետության փոխնախագահը, Իսլամական երկրների լիգայի ընդհանուր քարտուղարը, որն Արամ Ա-ի հետ միաժամանակ պետք է ստանձնի ժողովի համանախագահությունը: