1 րոպեի ընթերցում
ԱՆԹԻԼԻԱՍ, 10 ՀՈՒՆԻՍԻ. ԱՐՄԵՆՊՐԵՍ: Կիրակի օրը Անթիլիասի Ս. Գրիգոր Լուսավորիչ Մայր տաճարում՝ Մեծի Տանն Կիլիկիո կաթողիկոսության Միաբան հայրերի մասնակցությամբ, տեղի է ունեցել «Հայրապետական մաղթանքե՝ նվիրված Արամ Ա կաթողիկոսի ընտրության եւ օծման 7-րդ տարեդարձին: Ըստ մամլո դիվանի լրատվության, Հայ եկեղեցու ավանդության մասը կազմող այս հանդիսավոր արարողության ընթացքում կարդացվել են Ս.Գրքից հատվածներ, կատարվել շարականներ: Տրվել է Ս. պատարագ՝ Հյուսիսային Ամերիկայի Արեւելյան թեմի առաջնորդ Օշական արք. Չոլոյանի մատուցմամբ: Նա իր քարոզում անդրադարձել է Ազգային ընդհանուր Ժողովի, ներկա ժամանակներում մեր ժողովրդի առջեւ ծառացած մտահոգություններին ու մարտահրավերներին: Սրբազանը դրվատանքով է արտահայտվել Կիլիկիո կաթողիկոսության, հատկապես Արամ Ա Վեհափառ հայրապետի կողմից իրագործված եկեղեցաշեն ու ազգաշեն ծրագիրների մասին, որոնք ներկա հայ մարդու եւ հատկապես երիտասարդության համար կենսական են ու անժամանցելի: